"ما تكون متل رَوند"

أثارت مراسلة قناة "الجديد" روند أبو خزام ضجّة واسعة عبر مواقع التواصل الإجتماعي بعد إنتشار صور "عفويّة" لها وهي غير مُبالية للمؤتمر الصحفي الذي عقده رئيس التيار الوطني الحر النائب جبران باسيل، نهار الجمعة وذلك غداة جلسة مجلس النواب لتي تُلِيت فيها رسالة رئيس الجمهورية ميشال عون حول تداعيات قرار حاكم مصرف لبنان برفع الدعم عن المحروقات.

وفي الإطار هذا، علّق الناشط غسان جرمانوس في منشور له على حسابه الخاص عبر "فيسبوك"، على الصور المُنتشرة للإعلاميّة أبو خزام، مُعتبِرًا أنّ "رَوند بتعرف تلحق trend كره الناس لزعيم لتلفت النظر بَس روند صيّادة صور مع غير زُعما".

وكتب جرمانوس: "رَوند بيزعجها زعيم معيّن وبتتونّس بي زعيم آخر!
رَوند بتعرف تلحق trend كره الناس لزعيم لتلفت النظر بَس روند صيّادة صور مع غير زُعما
بس تنظر الى وجه روند وهيّي آخدي صورة مع زعيم بتحسّها وصلت لقمَة السعادة وحقّقت انجاز
رَوند بعد ما انتبهت انّو كلّ الزعما فاسدين وكلّهم منظومة وحدة بيتقاسمون اموال الناس ومستقبلهم واحلامهم
رَوند الحلوة من برّا بتبيّن زبالة من جوّا بس تشوف صورها مع كل هَل سياسيين
رَوند بتوصّل صوتها لأن عندها منبر اعلامي ومعاش شهري من الاعلام اللبناني لي بيتقاضى امواله من السياسيين
رَوند مفكّرة انّو زعيمها بتحطّو عَ راسها وزعيم غيرها وحدو الفاسد
لأن بعد في كتير متل رَوند، مش عم نقدر نغيّر البلد نحو الافضل
ما تكون متل رَوند وخلّي شعارك:
#كلن_يعني_كلن".

Select

Select

Select