الجميّل: "كنت مخانق مع خييّ وبييّ وكل العيلة"

في حلقة طريفة تناولت جانب آخر من حياة رئيس حزب الكتائب النائب سامي الجميّل, طرح التلاميذ أسئلة جريئة على الجميل عبر اطلالته ضمن برنامج "دق الجرس" على شاشة الـ "ام تي في".

وأشار الجميل الى انه لا يحب مناداته بالألقاب, وقال "أنا ما بحِبّ يعيّطولي شيخ، وبالـ 2018، ما بقا لازم نستعمل ألقاب"! وأضاف "بأول 8 سنين من حياتي، ما كنت شوف بييّ إلا 10 دقايق بالأسبوع. بس بعد ما نفيونا ع باريس"، سنحت لي الفرصة لأتقرّب منه وأتعرّف عليه أكثر.

وعن لقائه بزوجته قال "عندما رأيت زوجتي كارين في القهوة في فرنسا، تشجّعت لأتحرّش بها، فكتبتُ إسمي ورقمي على ورقة صغيرة، وأعطيتها إياها خلال خروجها". وأردف "متل ما بدافع عن حق الناس بإنّو يتزوجوا مدني، أنا من حقّي إتزوج كنسي، لأنه أنا بحِبّ هيك".

وتحدّث الجميل عن استشهاد شقيقه لافتا الى انه "منذ استشهاد بيار، وأنا عم فكّر شو رح أعمل بعرسي، وكنت رح خلّي كرسي فاضية مع صورته عليها، بس لما كبر إبنه أمين شفت صورة بيار فيه، فقرّرت يكونوا اشبيني الأمينيْن: أمين بييّ وأمين إبن خييّ. بندم كتير لأنه مات بيار وما كنت قريب منه.. ما بتحرز نتخانق مع حدا كرمال موقف سياسي"!

وأردف "كنت مخانق مع خييّ وبييّ وكل العيلة، لأنه ما كنت مقتنع بشي، تخانقت مع الكل وفلّيت، وفتحت ع حسابي". وشدد على انه "ضدّ عقوبة الإعدام من زمان، حتى مع إللي قتلوا أخي بيار".

Select