مختاران في الاشرفية يتركان فرعون.. الى حضن صحناوي

صدر عن مختار الاشرفية ناجي صالحاني البيان التالي:

يا أصدقائي ويا احبتي أهالي الأشرفية، أنا ناجي صالحاني ابن الاشرفية العزيزة على قلوبنا.

كلكن بتعرفوا حرصي على أهل المنطقة، بعد اكتر من عشر سنوات من السياسة الكيدية وسياسة الزواريب، ونقل التحالفات من اليمين الى الشمال ضمن المصالح الضيقة.
وبعد ما كان التيار العوني الخصم اللدود لسياسة الوزير ميشال فرعون، اليوم عم يعمل مصلحته كرمال مقعد نيابي.

هالحرية الشخصية وهالسياسة المتقلبة للوزير فرعون وسوقنا مثل قطيع الغنم حسب مصالحه خلوني فكر كتير. الاشرفية أكبر من هيك.

نحن اليوم بحاجة لتغيير السياسة المتبعة من نوابنا ووزرائنا بالأشرفية يلي ما منشوفون الا وقت الانتخابات كل اربع سنوات. نحن بحاجة لأشخاص يساعدوا ويدافعوا عن الأشرفية، أشخاص اذا قصدتهم ما بيسألوا عن لونك السياسي، أشخاص صرلن سنين عم يساعدوا من دون مقابل أو غاية او مصلحة او مقعد نيابي من مساعدات اجتماعية وطبابة.

هالشي عم نشوفوا عبر الجندي المجهول الاستاذ انطون صحناوي يلي مكتبه عطول مفتوح لأهل المنطقة وهيدا كله لمحبته للأشرفية ولأهلها.

صدقوني بعد ما تعرفت على هالانسان صرت اعرف معنى العطاء من دون مقابل، وعالقليلة كرامتنا بتبقى محفوظة، وهالحرية الشخصية دفعتني لأكون من ضمن فريق العمل لأستاذ أنطون صحناوي مع كل محبتي للأشرفية.

وعلم موقع "ليبانون ديبايت" ان المختار فارس مراد انضم ايضاً لفريق عمل صحناوي.

Select

Select

Select